كشكول
اذا رايد تسلني لا تسلني ⭐.. السؤال
اذا رايد تسلني لا تسلني ⭐.. السلوى
اذا رايد تسلني لا تسلني ⭐.. الســـل
بغيابك الف علة تصير بيه
....
✒️ علي مسير الصافي
شدهتك عني الدنيه وماذكرت احبابك
شدهتك عني الدنيه وعني تقفل بابك
هيج وبسرعه نسيت وغيريت اصحابك
ليش مو انت الگلت للموات اضل ابابك
ولا اعوفك ما ابيعك لا ارد اجوابك
راح كل ذاك الحجيته وغيريت اخطابك
أنا ماشايل عليك ولا الومكنم وابد ماعاتبك
بس اگلك چلمه واحده گلبي متسودن عليك وحابك
..
علي مسير الصافي
بالليـــل الگمــر مــغرور
اذا شاف الشمس يعقل
ثقه بنفسه الشجاع هواي عنده وزود
مــن يسمـــع بحيدر يسكت ويخجل
عد روحه المسودن اعقل إنسان
المسدس لو فــرغ مايســو توثيــه
والبغايا اشرف أمن الماعنده غيره
السواتر والخنادق ابد ما تحميك
اذا داخل الســـاحة وياك علاس
اختلاف الموازين
اهواي مخالفه ربك وتتباهى
وكلام إبليس عدهم صبح مقياس
دين وشرع عدهم كله هذا بعيد
للباطل تصفگ مدري ليش الناس
قانون الشجاعه صبر حكمه ودين
وشجاعة هل وكت نسبوها للاوباش
ال برأسه عقل محد يسولف بيه
والمهرمش هديب وچاسب النوماس
الشايب والابو ياون ومحروز
وكلام الشاب يمشي ماعليه بأس
علي مسير الصافي
يوم الورود
لم أشكو يوم ولم ابكي لنازلت
ولم أوالي ظالم أو متجبرا
ولا اروم المال في فعل صالح
ولم الهث بحيلة وان كنت معسرا
لاني علمت اني ضيف ثم راحل
فاجهدت نفسي بخف حملي حاسرا
ولست ابالي بما جمعوا وما نهلوا
يكفيني لقوت يومي خبز وخاثرا
لا أحمل الأثقال في يوم محشري
ارد على رب رحيم رؤوف غافرا
✍️علي مسير الصافي
المرياني الموسوي
ضحكنا الكل شديدة ومانهم بالراح
وعلى الباري انتكلنا بكل قضايانا
ماتانينا مجفي ولا هملنا الغاب
ولا مــدينا يـــد للنكر شــروانا
مابعنا برخص والعزل ما نشريه
وصاحبنا اخــو نفديه بــدنيانا
....
تحياتي
علي مسير الصافي
گظيناه جسر تعبر عليه أشكال
وآخر شي انفكر بيه مصالحنا
عبرنا شكثر طيبين مو طيبين
ولا غيرنا مبدئ من مبادئنا
....
علي مسير الصافي
انا خيال وذنـه ابلا سرج ورچـاب
ألزم معرفتها وعالظهر مــوچب
فارس مو غشيم ولا اهاب الخيل
اتعبهــا وابــد ما مــل ولا اتعـب
انا وارث رسنها وضامه أمن سنين
إذا حل اللعب وكت الشديده اللعب
حصو بالباشكير يحط ابوي صبيح
يطحنهن طحن لو صـال بالملعب
وانا عمي مروز الكلف وكت الضيج
إذا صـــار المزامط نـــاره تتلهــب
....
بقلم علي مسير الصافي
المرياني النداوي بني جميل
الرفاعي الموسوي
( ابوذية مطلسم)
............
اهم واهتم وهيم بهيم بهماه
همام أهملت كل اهدان بهماه
ابد مــا هادنت والهــاد بهماه
هديب وهادي لليطلب حميه
.....
ربا وربت أنيابه ربت بربات
ربيـب ورام رب البيـــت بربات
رمى الرمرم رمامه رمي بربات
نزيل وصيح أصـحاب الثنيه
.....
غرابيب أعلى صدري اصعدن دارن
سـود وحـــمر بالســجيل داران
أخبــــرك عنــدي مــو بس دار دارن
أبرهه من شاف حالي اعطف عليه
.....
بقلم علي مسير الصافي المرياني
أرد أسافر
أرد أهاجر
أرد أهج
چذبو كلهم علينا
الگالو أنه أجمل وطن
وگالو التاريخ هذا
وبيه أول قلم خط
بيه حضارة وبيه
ثقافة وبيه فن
وأنا ماعندي شبر
طابو أعلى گاعه
شلون أقنع نفسي
وأعتبره وطن
أوينها هاي الحضارة
البيها نتبجح چذب
نصها باعوها وقسم
منهم فرهدوها
وقسم بسم الدين
عمداً هدموها
گلي شنهو إلى بقى
بهذا اليسمونه وطن
....
علي مسير الصافي
اختلاف الموازين
اهواي مخالفه ربك وتتباهى
وكلام إبليس عدهم صبح مقياس
دين وشرع عدهم كله هذا بعيد
للباطل تصفگ مدري ليش الناس
قانون الشجاعه صبر حكمه ودين
وشجاعة هل وكت نسبوها للاوباش
ال برأسه عقل محد يسولف بيه
والمهرمش هديب وچاسب النوماس
الشايب والابو ياون ومحروز
وكلام الشاب يمشي ماعليه بأس
علي مسير الصافي
يوم الورود
لم أشكو يوم ولم ابكي لنازلت
ولم أوالي ظالم أو متجبرا
ولا اروم المال في فعل صالح
ولم الهث بحيلة وان كنت معسرا
لاني علمت اني ضيف ثم راحل
فاجهدت نفسي بخف حملي حاسرا
ولست ابالي بما جمعوا وما نهلوا
يكفيني لقوت يومي خبز وخاثرا
لا أحمل الأثقال في يوم محشري
ارد على رب رحيم رؤوف غافرا
✍️علي مسير الصافي
المرياني الموسوي
ضحكنا الكل شديدة ومانهم بالراح
وعلى الباري انتكلنا بكل قضايانا
ماتانينا مجفي ولا هملنا الغاب
ولا مــدينا يـــد للنكر شــروانا
مابعنا برخص والعزل ما نشريه
وصاحبنا اخــو نفديه بــدنيانا
....
تحياتي
علي مسير الصافي
تمنيتــه يجي ومــاظـن يــردلآي
وعلى جسمي رشك بالي يـردلآي
كرامة ومعجزة الشــوفك يردلآي
لچـن ماصـح نبي يـــردك علـــيه
....
مثل ماي بحماد ولا يردلآك
وعفاك شلون متحمل يرد لاك
شتظن بالينحط بخشبه يردلاك
الميت ما تلمه الا الوطية
....
علي مسير الصافي
قسماً بالشمس وضحاهـا والليــل إذا يتـــلاها
لن نحيد عن ما نعتقد لو انقلب اسفلها أعلاها
فكونوا على يقين أن للكعبة رباً يراها ويرعاها
فالحقيقةُ كالشمسِ واضحةً وأعمى من لا يراها
علي مسير الصافي المرياني
دورة وجهك شيمسحها من بالي
احس مثل الحلم من شفتك گبالي
أنا باشط اللسان واحد من السيف
صرت اخرس وتاه وذاب دلالي
.....
✒️ علي مسير الصافي
بيدرك صار ازگـــار وتغارك بمن
بيد الطرش خليت مرواحك المن؟
.....
علي مسير الصافي
ادري بيهم بس حچي وقشمرتني الطيبة
ادري بيهم للغريب ولجريب انياب ذيبه
صار الملح ممصوخ ماضل يغزر
والسيد المعروف ماضل يشور
✒️ علي مسير الصافي
الدين لا يتمثل بالأشخاص
فالدين مبادئ واخلاق وقيم
فالشخص قد يشذ عن القاعدة
لكن القاعدة ثابتة لا تشذ
فتمسك بقواعد واخلاقيات الدين
ولا تهتم لمن ينجرف أو ينحرف
....
✒️علي مسير الصافي
نسولف عالشجاعة وبالكرم عنوان
ثابت زودكــم يالســــادة الجـريان
جبر وعذار والراشد وبن عــطوان
وتتباها العـــرب بفعال ابن ضيدان
اخوة سره كلهم مرجله ونوماس
زبيد التشهد الهم وال ابو سلطان
من عباس غيرتهم وداحــي الباب
من هاشم نسلهم من والد عدنان
....
هو الشاره البيهم تكتل
هو الشاره البيهم تكتل
من عباس وداحي الباب
الشاره البيهم تكتل
...
✒️علي مسير الصافي المرياني
عزيزُ قوم
تبعثرت حـروفي مــاذا أقــول واكتبُ
ولوجدكم فـي قلبي ميـادينٌ ومـلاعبُ
اكــابد جــوً وصلابـــةً لـفقد عيـــونكم
ويفضحُ أمـري لــون وجـــهي الشـاحبُ
تلطفــوا عليــنا واعــطفوا ولـــو بنظـرةً
وارحــموا عــزيز قــوماً قـلبــه يتلهـــبُ
اذلهُ الهــوى وأصبــح هائمــاً لـفقـــدكمُ
وقد كان في قـومهِ لبيب عاقل مهـذبُ
......
بقلم علي مسير الصافي
بدليلي نوخن صلفات ورعان
وتشيخ فاگد المعروف ورعان
حچينا صار بيد أطفال ورعان
وچبير الكوم يترجه الحميه
....
علي مسير الصافي المرياني
تعال اكرب يساهي العين لي لآي
بجفاكم بالعيون الدمع لي لآي
نهاري بذكرك ومهموم لي لآي
شوكت ترجع يهل مبعد عليه
......
علي مسير الصافي المرياني
صعبة المتيه يدليك الطريج
وفشله حيل المايشوف
يگودك وتمشي وراه
ـــــــــــــــ
صعبه عليك اذا تايه يدلاك
وانت بكل ثواياهم يدلاك
الكسر تجبير مايرهم يدلاك
يأثر بس ألم وجروح بيه
ـًــــــــــــــــ
علي مسير الصافي
العدل يكثر عليه الطرق
والمــو عــدل مــهــمول
ـًـــــــــــــــــــــــــ
شما يكثر الدگ يخي يبقى طريجك عدل
وللحــد لــــو غربت ذكـرك واسمـــك عدل
والعـــوج مـــاينذكر مــيت وهـــوه عــدل
صاحب العدهم صدگ والغيره عدهم زود
خنياب ميصير ابد مـــايشح مــايه وزود
واترك خفيف الـــعگل مــــابيه فـود وزود
العوج يبقى عــــوج والعدل دومه عــدل
بقلم علي مسير الصافي
يهل ناديت باسمي هواي عيده
ويالماخذ دليلي وياك عـــيده
الگلب مومن بعد رمضان عيده
يهل العـــيد مـــن نكعـــد سويه
حسن رزاق الصافي
.....
انا بسمك لهجت هواي وعديت
ولجلك حاربيت الكون وعديت
تمر وديرر ويهك ليش وعديت
وانا عيــدي أمن شوفك بالثانية
علي مسير الصافي
اتوسلت بحسين وبچف عضيدة
صعبت عليه وحيل صارت بعيدة
حسن رزاق الصافي
....
اليبطي عنك زين ربك إله أسباب
والفرج كن فيكون يفتح الف باب
علي مسير الصافي
چبشها يدي وراح گبلي وهداها
والرسن بيدي ودوم محد رگاها
✍️علي مسير الصافي
ينهدم حيله صدگ يبچي اعلى فرگاه
بس ينكسر منگود لو شامت احذاه
✍️علي مسير الصافي
ما انخى ابد ماصيح لا اشتكيلك
توصل گبل لا طيح وترد جميلك
...
✍️ علي مسير الصافي
ماحشم ولا صيح لا اشتكيلك
ادريبك أنت هديب توفي الخليلك
✍️ علي مسير الصافي
تدري گلبي مورث وشوفتك ماي
ليش بديته ومشيت شگد خبيث
...
✍️علي مسير
المزامط بالعگل مو بالسلاح
الحرمه لو تطيها عوزيه تيليلك سلف
والشجاعة بالگلب مو بالصياح
السيف صامت بس يگطعله الف
والعدم موش أعلى جارك لو اخوك
العديم بساحة الميدان يتلگه القصف
چان امير المؤمنين الي يسبه يگله روح
لا تحبني دام خلگ الله بامان
وما تهمني شكد لأيم شگد صلف.
الشجاعة يكون عگلك واسع ويحوي الجميع
اوبالمواقف كون حازم لا دور ولا تلف
وبالمواقف صير حازم لا دور ولا تلف
...
✍️علي مسير الصافي
************
امدد ومسلبين اهدومه ركن الدين بهاي الحومه
ياحيدر موكافي النومه شوف حسين وشوف علومه
********
شوف العباس اعلى الكاع والاكبر بيه جم طبره
شوف القاسم يامولاي والاصحاب اعلى الغبره
شوف شصار اعلى العيله والزينب شوف شيجرى
وزادت عالسجاد همومه
امدد ومسلبين اهدومه
********
ياحيدر تدري باعدائك يطلبونك ثار بصفين
ويطلبونك دم اباهم بالخندق بدر وبحنين
وفو هالثارات وزادو وستوفوها بدم حسين
والراس برمح المشئومه
امدد ومسلبين اهدومه
**********
ياحيدر لوتدري بزينب مسبيه امن الطف للشام
والسجاد وياها وتدري مهدوم الحيل ومينام
واطفالك عطشانه تنادي الساقيها المفضوخ الهام
وسكينه اتصيح وكلثومه
امدد ومسلبين اهدومه
**********
شانذكر بالطف يا حيدر مانكدر نحصي الي صار
شنسولفلك يابو اليمه غدرو بحسين الاشرار
وخيم حسين واطفاله حركوها بنار الفجار
عاين للعيله المظلومه
امدد ومسلبين اهدومه
**********
بحبكم ياحيدر نتفاخر ونتجاوز بيه الكلفات
ميهمنا بحبكم مايجري وماهمنا الحاضر والفات
كلشي الكم يرخص ياغالي ياحاضر كل الشدات
لحسينك موحلوه النومه
امدد ومسلبين اهدومه
ركن الدين بهاي الحومه
*********
✍️علي مسير الصافي
نفس السهم ذاك الذبح عبد الله الرضيع
ونفس الرمح ذاك الطعن صدر حسين
ونفس ذاك العمود الخضب العباس
وهو السيف نفسه الكطع الجفين
ونفسها الخيل ذيج السحكتك مولاي
تطلب ثار بدر وجمل وبصفين
ونفس ذيج الايادي الضربت السجاد
كلها امن العراق اليوم توفي الدين
امس بترابك حسين نذبح عطشان
وقدم للشهاده اروع قرابين
اطفال وحرم مسبيه للشام
يامحيي الشريعه ومنقذ الدين
واليوم بعراقك نفس هذا يصير
كل ساعه اعلى ارضك تنذبح سبعين
تعلمنا وسمعنا الينسبي من بعيد
من موطن الموطن تختلف بيه القوانيين
بس والله عجيبه بهل عراق يصير
ما بين الرصافه وكرخ مسبيين
من الشام اشكثر شفنا العجايب
من ابو سفيان واولاده الملاعين
يزيد وحرمله وعفلق الخايب
مفسد بعد مفسد هدمو الدين
واليوم يتجسد شمر وبن ازياد
بالهدمو ضريح العسكريين
بالهدمو ضريح العسكريين
✍️علي مسير الصافي
لو فتشت كل قلب تلگى اسمك بيه
مكتوب يحسين انت حبنا الاكبر
لو دورت كل دمعه نزلت من محب
تلكاها نبله بقلب كل متكبر
اسمك يبو اليمه يهز الطاغوت
ويزلزل اوكار النفاق اوكثر
والدمع سيف بتار بوجه كلمن طغى
يحسين منوفي وابد ما نقدر
ارخصت كل غالي لجل نصر الدين
وضحيت بالساقي وعلي الاكبر
ياتاج الاسلام وسيد الشبان
كل قطره من نحرك هوت بركان تتفجر
متانين وبفارغ صبر يامظلوم
غايبكم الطول علينه اواثر
يعدلها ويساوي المايل بالقسط
بالثار ياخذ من ذراري المنكر
يوم المنى يايوم من يضهر بيه
ارواحنا وقلوبنا الجيته تتنطر
...
✍️علي مسير الصافي
الفا : فاطمة النساء وفاطمة
شيعتها من حر السقر
الالف :الف بينها وبين المحب يوم الحشر
الطاء :طابت وطهرت من كل
رجس من كل شرك من كل كفر
الميم :مظلومه اصبحت واسقط
طفلها والظلع منها انكسر
الها : هنياله الذي يواسيها بالعطشان
والجفه نطبر..
...
✍️علي مسير الصافي
يعباس الضعن عطشان وقلبك ملتهب نيران
حرمت الشرب للماي وذكرت احسين بالميدان
************
زينب نادتك ياحيد اطفال حسين عطشانه
اوعدك ياقمر عدنان السكنه بماي ضميانه
وعليل حسين ياعباس قلبه اوجرت نيرانه
ماندري اقطعو كفين
ايدك ونصبت بالعين
ماندري بعمد مضروب وانت بجربتك حيران
************
يعباس الامير اختار امك لجل هذا اليوم
يريد بكربلاء تنصر عزيزه حسين يا جيدوم
كوم انهض يبن حيدر وبالتاريخ سجل اعلوم
عيد امجاد اب الحسنين وزلزلهم يراعي القوم
كشفت المشرعه بيمناك
وتربي اعلى السبط عيناك
جندلت الجيوش اهناك ياليث الوغى وعطشان
************
زينب نادت اعلى حسين كفيلي بوالفظل جاوين
يكللها يزينب طاح كفيلج ونضرب هل حين
قامت تندب الكرار يبويه غيبتك لاوين
زينب قصدت العباس
واتنادي يتاج الراس
ليش اتعوفني هالساع بوسط الغرب والعدوان
*************
يليث المشرعه متانين غايبكم ترى تاخر
نريده اليوم ياعباس ياخذ ثار المطبر
من ايزيد وعوانه وذريته اولي النكر
ويعيد الحكم للاسلام ويرجع حكم حيدر
الفرج نسال اله الكون
شيعة حيدر ينادون
ماظل صبر عدنا وصار حكم هل وكت بالنيران
**************
✍️ علي مسير الصافي
شوقي اليكم يابا الشهداء
كشوق الارض ان جفت من الماء
وقلبي في رحاب حضرتكم يطوف
ان كان جسمي عن زيارتكم بعدا
لكم في الارواح يامولاي ود
وفي القلب انتم للشرايين دما
قد حثنا رب العباد بطاعتكم
وجعل اجر الرسالة فيكم الودا
هنيئن لمن نال العلا بحبكم
وقد خاب من فيكم نصب العدا
...
✍️علي مسير الصافي
متوهم اليوصف نورك بنور الشمس
لان الشمس خجلانه ارجعت من نور وجهك
وغلطان اليوصفك بالبدر لو تم
لان القمر نصين نفلق من شاف بدرك
اذا نقطع يقينا انت نور الله
وتجلى بقدرته وشق اسمه لسمك
على العرش ارتفع محمود سماه
ونعكست الصوره وصار رسمك
**********
✍️علي مسير الصافي
عجيبه النحر يذبح سيف
ماشفنا وسمعنا ولاقرينا
وعجيبه الدم يگطع روس
وعلى چفوف الرمح تمشي الضعينه
شريف الرمح لمن شال راس حسين
لان خلاه فوگ الروس عالي
يمشي ويالضعن يتفگد الطاح
ياهو الگال زينب ملها والي
انا مااعتقد زينب انضربت سوط
ولاصدگ شمر يضرب السجاد
لان الغيره كلها تصير بالراس
شتظن بحسين يترك ذول الاوغاد
****
✍️ علي مسير الصافي
لتغرك اللحية ولا يغرك دين؟
چثير الحچي بهل موضوع
بس الفعل وين؟
أكثرها مصالح لجل غش الناس
وختلطت. وضاع الزين ويا الشين؟
نادر من تحصل موقف المعروف
اما بالحچي كلها تحچي بالدين؟
✍️علي مسير الصافي
احفادي مخلفين وولادي شياب
ومن اسمع ابطاريك ارجع للچعاب
✍️علي مسير الصافي
اتعبني مد الايد بس أنا عدي
صدگوني موش فلوس بس خوه اجدي
للشاعر فلان
...
مابيها كل معروف خوة الجداوه
الخوه فزعه وزود غيره برهاوه
✍️علي مسير الصافي
على چتافك تشيل حمار مو تقدير اله ورفعه
يفشلك لو مشى ويتيه ردي ومابيه كل تلعه
✍️ علي مسير الصافي
اليكتل كتـل لابـد يــوم يداي
الجرح خزن وليل انهار يداي
سجينه وحشميت الفخر يداي
موسى الكاظم يفرج عليه
من صرت اعرف الريج شنهو الينشفه
وكل عمري ماطلب عون للما يعرفه
.....
عـدنا شاره وعلـي تفلــش الحـديد
بيد الله سلمناه كل واشي كل نمام
.....
لليل ونهار التاريخ واحنا النصنعه
الفخر والنوماس للشهم طبعه
..
✍️علي مسير الصافي
